المكونات
كوب زيت أو سمنه سايحه أو زبده سايحه ويفضل الزيت
كوب لبن أو عصير برتقال
2كوب سكر
3كوب دقيق
4بيضات كبار
باكو بيكنج بودر مش كيك شيف
م ك خل
فانيليا
الطريقة
في طبق بلاستيك ألومنيوم الدقيق المنخول مرتين مع البيكنج بودر مع رشة ملح وقلبهم كويس واركنهم علي جنب
وفي الخلاط هضرب البيض مع السكر مع الخل والفانيليا 5دقايق بعد كده هنزل بالزيت واضرب دقيقه وأنزل باللبن واضرب دقيقه مبلغش في ضرب السوايل وأنزل باللي في الخلاط علي الدقيق واقلب في إتجاه واحد برفق من تحت لفوق لحد ماكله يندمج تماما واحصل علي خليط ناعم بدون أي تكتلات
ادهن صينيه ألومنيوم مقاس وسط اللي هي رابع صينيه في الخمس صواني سمنه خفيف أو زيت وابطنها بدقيق وانفض الصينيه جامد واصب الخليط بتاعي في الصينيه لحد النص بالظبط لو زودتي الخليط عن نص الصينيه هتكتم معاكي بس ديه مقادير صينيه وسط وده أساسي لنجاح الكيك لازم تكون ألومنيوم لأني التيفال أو الصواني الغامقه ايآ كانت بتمتص الحراره بسرعه فبتالي هتلاقيها لونت بسرعه ونيه أو مكتومه من جوا هدخلها الفرن في الرف اللي في النص علي الشبكه مش الصاج واخليها أول 5دقايق علي أعلى درجه وبعدين أنزل الحراره ل180 وكل ده والفرن مقفول لو عندك مروحه يبقا هتشغلي تحت وفوق علي ال180 أول 40دقيقه مبفتحش عليها خالص حتي لو شميت ريحتها بعد 40دقيقه هفتح واختبرها هحط سكينه في النص واطلعها لو طلعت نضيفه يبقا استوت لو فيها عجينه يبقا لسه نيه وطبعا الحركه بتاعت الاختبار ديه بتبقا بسرعه واقفل باب الفرن براحه مش بالجامد عشان متهبطش لو لقيتيها استوت طفي الفرن وخليها جوا ربع ساعه وبعدين طلعيها