1_متعمليش جسمك قبل الفرح بالسويت ع الاقل شهر عشان تروحي منوره كده وبتلمعي ...
2 هاتي من الصيدليه عشان تنجزي صابونه البابايا تحفه للتفتيح مع الوصفات
3 ماسك دا مرتين ف الاسبوع معلقه ونصف دقيق ومعلقه ونصف صغيره نشا وتعجنيهم بلبن وتحطيه وتعملي سنفره يعني بعد ما ينشف تبلي وشك ميه وتفركي وشك وشوفي البياض والحلاوه
4سنفره للبشره مره كل اسبوع بسكر وليمون وزيت زيتون نسبه متساويه
5_للترطيب ملعقه جلسرين وملعقه ليمون وملعقه زيت لوز حلو دا يومي مره واحده
6 (ايدك)زيت زيتون وشويه ملح مرتين صبح وليل هتخلي ايدك زي الحرير
7 (للرجل )ميه سخنه ف طبق ع قد ما رجلك تستحمل وكيس بيكنج بودر وفنجان خل وانقعي رجلك ع قد ما تقدري وادعكي رجلك بالحجر ورطبي بكريم او فازلين
8 (للرقبه والسره ) اعملي ماسك لرقبتك وسرتك بلبن بودره ونشا وميه ورد واغسليه بس من تحت لفوق وامسحي بعد كده بميه ورد مره ف الاسبوع
9متنسيش سرتك تنضفيها كويس وحطي فيها نقطه زيت عطري من غير كحول واتفرجي ع الريحه الجميله
10 اعملي اسكراب لجسمك كله هاتي بجنيه رده ع كوبايه زبادي وافرديه ع جسمك واول ما ينشف تفركي جسمك كله
11 بعد ما تعملي الاسكراب لجسمك متخرجيش من الحمام بلي جسمك و تكوني محضره
كوبايه ميه وحطي شويه شور جل وشويه خل وشويه كربوناتو حبه صغيره وتخلطيهم وتدعكي جسمك حته حته بالليفه وبعدها هتلاقي جسمك بيزيق من النضافه واول ما تخلصي ادهني جسمك بزيت جونسون اطفال وحطي فيه شويه زيت عطري من غير كحول دي مره كا اسبوع واتفرجي ع النضافه والبياض والحلاوه بقه
12 ومتنسوش اللي عاوزه تفتح جسمها قبل فرحها تستخدم وصفتي الرهيييبه للتفتيح
بودره جونسون وزيت جونسون وجلسرين سايل نسبه متساويه ع قد جسمك ومعاهم ليمونه وحطيها ع جسمك ونامي بييها و اشطفي الصبح
13- (( يوم الفرح بقى )) نركز في الكام نقطه دوول كويس جدا
عشان اكيد بتبقي متوتره قبل فرحك وممكن تنسي حاجه
هنتكلم عن الحجات الي تاخديها معاكي يوم فرحك وانتي رايحه الفندق او السنتر
وتحضري شنطه قبلها بيوم وتجمعي فيها الحجات دي :
الفستان والشوز والطرحه دي حجات اساسيه
لو انتي محجبه اتأكدي من تقفيلةالبدي كويس وأنه مش شفاف و يكون معاكي بدي تاني احتياطي
لو محجبه برضو يفضل تتفقي مع الميكب ارتيست علي نوع الطرح الي هتجبيها معاكي والي هتكون مناسبه ليكي ودبابيس بيضه
خدي بنس للشعر و توكل و مشط ومتسرحيش بمشط حد
اتأكدي أن طرحة الفستان نظيفه و زي ما طلبتيها ومافيه مع فستانك ولفة الطرحه اللي هتلفيها مع الميكب ارتست و ماشيه مع دوران وشك
مش كل البنات يليق فيها الطرح الإسباني الطويله ومش كلو يليق فيه المنفوش
ملابسك الداخلية الي هتلبسيها تحت الفستان
لو هتلبسي شراب تجيبي اتنين عشان بيبقي خفيف لو اتقطع يبقي معاكي واحد تاني :)
متنسيش اكسسواراتك وخديها معاكي لو هتلبسي اكسسوار ع الفستان زي الحلق او تاج أو أي اكسسوار تاني
كريم ايد ومزيل عرق و برفيوم الي هتحطية
لو هتركبي ضوافر اكيد لازم يبقي معاكي اللاصق بتاعه
العصاير والشوكلاته والمايه لو هتبدأي يومك من بدري ويبقي معاكي شاليمو للمايه عشان بعد ماتحطي الميك اب
14 - بعد الشاور ادهني جسمك كلو بزيت زيتون خام هتحس بترطيب رهيب
و لو انتي بتعملي شيفينج عشان الليزر هتحسي بفرق اكتر
15 - قبل السويت وبعدها حطي بودرة تلك أو جونسون بتبرد الجلد و بتقلل الوجع و لو بنسبه بسيطه + مرهم بريدوكايين Pridocaine كمخدر موضعي للأماكن الحساسه
16- زيت الزيتون .. زيت السعد .. زيت النمل .. بعد السويت بيقلل نمو الشعر ومع الوقت بيختفي
أهم حاجه يكونوا خااام
ومتخلطيهمش مع بعض
كل يوم نوع لمدة أسبوع
17 - صنفرة الشفايف مهمه جدا ( زيت زيتون . سكر ) و بعدها ادهني فازلين طبي ونامي
18 - ماسك بذور قطونه كل اسبوع لوشك ورقبتك هيفرق معاكي جدا كا بياض و شد بشره و نظاره
بتضيفيلها ماية دافية كمية بسيطة لحد ما تخرج منها مادة زي الجيلاتين وتبدأي تفرديها علي الوجه وتسيبيها عالوجه ساعة واغسليه
19 - اشربي ميه كتيييير و لو بتكسلي أو ب تنسيني ابلكيشن بيفكرنا بشرب الميه كل ساعه و بيحددلك الكميه المناسبه حسب وزنك